كتبتك للشعر نبض و نثرتك في الخيال شعور
ورسمتك صورة في داخل عيوني معلقها
نسجت اسمك بقلبي وانت حرفك ذهب محفور
عطيتك كلمة والله لغيرك ما اقدر انطقها
احبك ايه احبك ايه احب وفيك انا مغرور
احاسيسي تجاهك داخل اعماقي موثقها
ولك في خاطري قصة كتبت حروفها من نور
وشمس كل ماغابت اناظر فيك مشرقها
تراك اخطيت بفراقك ولو ماتعتذر معذور
وانا وشلون ابزعل وانت حاميها وسارقها
انا حبيتك بطوعي وصرت اليوم فيك مجبور
انا مااقولها نادم جروحي ذي حقايقها
اشوف الحب في عينك بساتين بدون زهور
وقلب يلمس الغيمة ولا يقوى يعانقها
معك قلبي قضى عمره ولا قد جاه منك قصور
سوى انك ناوي روحي بعد وصلك تفارقها
احبك ياغلا عمري وارددها بدون شعور
احبك ياهوى روحي يا مالكها وحارقها
موضوع: احبك ياغلا عمري 
